Belarusun Qrodno şəhərində DTK-nın xüsusi təyinatlı dəstəsinə silahlı müqavimət göstərən əcnəbi vətəndaş məhv edilib.
AzerTimes xəbər verir ki, bu barədə Belarus Dövlət Təhlükəsizlik Komitəsi (DTK) məlumat yayıb.
“Belarus ərazisinə terror aktı törətmək məqsədi ilə daxil olmuş şəxslərin fəaliyyətinin qarşısının alınması məqsədilə həyata keçirilən xüsusi tədbirlər zamanı 2023-cü il martın 19-da Qrodno şəhərində Kurçatov küçəsində əcnəbi vətəndaş məhv edilib. Həmin şəxs avtomat silahı və qumbaradan istifadə etməklə DTK-nın xüsusi təyinatlı “A” qrupunun döyüşçülərinə silahlı müqavimət göstərib”, – bildirilir.
Məlumata görə, DTK-nın İstintaq İdarəsi faktla bağlı cinayət işi açıb.