İsrail ordusu Qəzza zolağının cənubundakı Rəfah şəhərində əməliyyata başlasa, ABŞ İsrailə silah tədarükünü dayandıracaq.
AzerTimes xəbər verir ki, bunu ABŞ Prezidenti Co Bayden CNN telekanalına müsahibəsində deyib.
“Açıq şəkildə bildirdim ki, əgər onlar Rəfaha daxil olsalar, hələ ki, Rəfaha girməyiblər, onlara döyüşmək üçün silahlar verməyəcəyəm”, – o bildirib.
Amerika Prezidenti bildirib ki, İsrailin Qəzza zolağında 2000 funt ölçüsündə olan bombalardan istifadə etməsi mülki əhalinin ölümünə səbəb olub. ABŞ bu bombaları 2023-cü ilin dekabrında İsrailə təhvil verib.