Albaniyanın Baş naziri Edi Rama “Vaqner” özəl hərbi şirkətinin rəhbəri Yevgeni Priqojinin qətlində Putinin əli olduğuna eyham vuran lətifə danışıb.
AzerTimes xəbər verir ki, Ramam bu barədə Sloveniyada keçirilən “Bled Strategic Forum” zamanı deyib.
“Baş nazir Putinin yanına gedir və deyir: “Bir problem var. Ailəm tətildə idi, gecəniz xeyrə qalsın deyə zəng etdim, amma artıq səhər idi. Olaf Şoltsa zəng edərək ad gününü təbrik etdim, amma o, doğum gününün növbəti gün olacağını dedi. Szinpinə zəng edərək yeni illərini təbrik etdim, amma o, mənə dedi ki, onlarda hələ də köhnə ildir”. Putin isə ona belə cavab verir: “Bəli, bu mənim də başıma gəlib. Priqojinin ailəsinə başsağlığı vermək üçün zəng etdim, amma onun təyyarəsi hələ havaya qalxmamışdı”, – Rama forum iştirakçılarını güldürüb.