Bakıda üçmərtəbəli ev yanıb
Fövqəladə Hallar Nazirliyindən (FHN) AzerTimes-a verilən xəbərə
görə, Böhran Vəziyyətlərində İdarəetmə Mərkəzinə Bakı şəhərinin
Nizami rayonunda üçmərtəbəli fərdi yaşayış evində yanğın olması
barədə məlumat daxil olub.
Məlumat qəbul ediləndən dərhal FHN-nin Dövlət Yanğından Mühafizə
Xidmətinin yanğından mühafizə bölmələri çağırış üzrə cəlb
olunub.
Yanğın Fövqəladə Hallar Nazirliyinin Dövlət Yanğından Mühafizə
Xidmətinin yanğından mühafizə bölmələri tərəfindən söndürülüb.