Xəbər - Çingiz Səfərli – Trend:
8 Noyabr – Zəfər Günü çərçivəsində Dənizkənarı Bulvarda Türkiyənin “Mehteran Birliyi” hərbi orkestrinin konserti keçirilir.
AzerTimes-ın məlumatına görə, konsert çərçivəsində vətənpərvərlik ruhunda müxtəlif əsərlər səsləndirilir. Konserti izləmək üçün yüzlərlə insan gəlib.
Qeyd edək ki, tədbir “YAŞAT” Fondunun təşəbbüsü ilə təşkil olunan Zəfər Yarmarkasında keçirilir. Oktyabrın 29-dan başlayan Zəfər Yarmarkası sabah başa çatacaq.