Bakıda keçirilən Kişi və Qadın İdman Gimnastikası üzrə FIG Dünya
Kubokunun birinci günündə Azərbaycan gimnastları İvan Tixonov,
Milana Minakovskaya və Samirə Qəhrəmanova öz proqramlarını təqdim
ediblər.
Trend-in
məlumatına görə, İvan Tixonov kişilər arasında paralel qollarda
hərəkətinə görə 13,933 xal yığaraq üçüncü keçid yerində
qərarlaşıb.
Qadınlar arasında müxtəlif hündürlüklü qollarda hərəkətlərdə
Milana Minakovskaya 10,366 xalla 20-ci keçid yerini, dayaqla
tullanma hərəkətlərində Samirə Qəhrəmanova 12,166 xalla 17-ci keçid
yerini tutub.
Qeyd edək ki, martın 31-dən aprelin 3-dək Milli Gimnastika
Arenasında Kişi və Qadın İdman Gimnastikası üzrə FIG Dünya Kuboku
keçirilir.
Ölkəmizin gimnastika növləri üzrə bu il təşkil edəcəyi 4-cü
beynəlxalq yarışda qeydiyyat siyahısına əsasən 34 ölkədən 145
idmançı qüvvəsini sınayacaq.
Dörd günlük yarışların ilk iki günü təsnifat, sonrakı iki günü
isə final mərhələləri baş tutacaq. Turnirdə həmçinin, ən yüksək
icra xalını toplamış gimnastlara ənənəvi “AGF Trophy” Kuboku da
təqdim olunacaq.
Dünya kubokunda ölkəmizi Mənsum Səfərov (sərbəst hərəkətlər),
Ağamurad Qəhrəmanov (sərbəst hərəkətlər, dayaqla tullanma, turnik),
İvan Tixonov (dəstəli at, dayaqlı tullanma, paralel qollar,
turnik), Cavidan Babayev (halqa), Nikita Simovov (halqa), Samirə
Qəhrəmanova (dayaqlı tullanma, gimnastika tiri, sərbəst
hərəkətlər), Milana Minakovskaya (müxtəlif hündürlüklü qollar,
gimnastika tiri, sərbəst hərəkətlər) təmsil edəcəklər.
2022-ci ildə bu növ üzrə müxtəlif ölkələrdə keçirilmiş Dünya
kubokunun 3 mərhələsinin ardınca Bakıda təşkil ediləcək Dünya
kuboku final mərhələsi hesab olunur. Bu səbəbdən 4 yarışda
göstərilən üç ən yaxşı nəticənin yekununa görə idmançılara
ayrı-ayrı alətlər üzrə FIG kuboku təqdim ediləcək.
(Tərcümə: Orxan Nəbiyev. Foto: Zaur Mustafayev)