Ermənistan və Azərbaycanın Avropa Birliyi ilə birlikdə 1991-ci il Almatı Bəyannaməsində qeyd olunan şərtlər əsasında sülh müqaviləsi bağlamağa hazır olduqları barədə sənəd imzalamaları Moskva üçün gələcək addımlar barədə qərar verməyi çətinləşdirdi.
AzerTimes xəbər verir ki, bunu Rusiya xarici işlər naziri Sergey Lavrov “Rossiya 24” kanalına müsahibəsində deyib.
“Çünki Almatı bəyannaməsində deyilir ki, yeni müstəqil dövlətlər arasında sərhədlər SSRİ-nin, ittifaq respublikalarının, o cümlədən Ermənistan SSR-in və Dağlıq Qarabağ Muxtar Vilayətinin də daxil olduğu Azərbaycan SSR-in inzibati sərhədləri boyunca keçəcək. Ancaq burada vəziyyət çoxşaxəlidir. Və bu çətin vəziyyətdə KTMT-nin sülhməramlı missiyanın yerləşdirilməsi planını tərtib etməsi çox mühüm nailiyyət idi. Bu təklif hələ də müzakirə olunur. Əgər erməni dostlarımız, müttəfiqlərimiz hələ də buna maraqlıdırlarsa, o zaman bu missiya 1-2 gün ərzində yerləşdirilə bilər”.