Ötən gündən etibarən Gürcüstanın paytaxtı Tiflisdə hökm sürən əlverişsiz hava şəraiti səbəbindən Azərbaycan Hava Yolları QSC-nin (AZAL) J2-9237 və aviaşirkətin tərkibinə daxil olan “Buta Eyrveys”in J2-9225 Bakı-Tiflis reysləri təxirə salınıb.
AzerTimes xəbər verir ki, məlumatı AZAL yayıb.
Məlumata görə, şəhərdə hava şəraiti yaxşılaşdıqdan sonra hər iki reysin sərnişinləri Tiflisə yola düşüblər.
Aviaşirkətin qaydalarına əsasən, gecikmiş reyslərin sərnişinləri zəruri vasitələrlə, o cümlədən içki və qidalanma ilə təmin olunublar.