Türkiyənin İnterpol xətti ilə beynəlxalq axtarışa verdiyi Şeniz Dərvişoğlu Azərbaycanda saxlanılıb və qardaş ölkəyə ekstradisiya olunub.
AzerTimes xəbər verir ki, o, qanunsuz silah saxlamaqda, silah mafiyası ilə əməkdaşlıqda, mütəşəkkil cinayətkar qrup yaratmaqda təqsirləndirilir.
Türkiyə vətəndaşı olan Ş.Dərvişoğlunun günahı sübuta yetirilərsə, onu 12 ilədək həbs cəzası gözləyir.
Qeyd edək ki, Türkiyə məhkəməsi Ş.Dərvişoğlu haqqında bir neçə dəfə qiyabi həbs qərarı çıxarıb. O, 2018-ci ildə Gürcüstandan Türkiyəyə ekstradisiya olunub, 2020-ci ildə həbsdən buraxılıb. Bir müddət sonra yenidən axtarışa verilib.