Bakı Kristal Zalı İqtisadiyyat Nazirliyinin tabeliyinə verilib.
AzerTimes xəbər verir ki, Baş nazir Əli Əsədov bununla bağlı qərar imzalayıb.
Qərara əsasən, “İqtisadiyyat Nazirliyinin strukturuna daxil olmayan tabeliyindəki qurumların siyahısı”nda dəyişiklik edilib və Bakı Şəhər İcra Hakimiyyətinə məxsus Bakı Kristal Zalı MMC sözügedən siyahıya əlavə edilib.
Qeyd edək ki, “Bakı Kristal Zalı” 2012-ci ildə yaradılıb. Burada ilk dəfə “Avroviziya” mahnı yarışması keçirilib.