Moskva sülh müqaviləsinin imzalanması məsələsini müzakirə etmək üçün Ermənistan və Azərbaycan nümayəndələrinin görüşünü təşkil etməyə hazırdır.
AzerTimes xəbər verir ki, bunu Rusiya Prezidenti Vladimir Putin deyib.
“Gündəlikdə uzun müddətdir davam edən bu münaqişəyə nəhayət son qoymaq üçün sülh müqaviləsinin hazırlanması dayanır. Rusiya tərəfi isə təbii ki, bu işdə tərəfdaşlarına hər cür kömək göstərməyə hazırdır. Xüsusilə, biz danışıqların Moskvada, lazım gələrsə, istənilən formatda – başlanğıc üçün xarici işlər nazirləri, ekspertlərin görüşünün təşkili ilə razıyıq. Rusiya danışıqların bu ölkələrin liderləri tərəfindən imzalanacaq sülh sazişi ilə yekunlaşmasına kömək edəcək. Təbii ki, seçim həmişə müvafiq ölkədən asılıdır, Rusiya bunun üçün yalnız müvafiq şərait yaratmağa hazırdır”, – Putin bildirib.