Baharın ilk addımlarını Novruz tədbirləri ilə qarşılamağa
hazırsınız? Elə isə hər birinizi möhtəşəm Novruz şənliklərinə dəvət
edirik! Gənclik Mall, 28 Mall, Port Baku Mall, Dəniz Mall, Gəncə
Mall və Şüvəlan Park 20-24 mart tarixlərində əsl əyləncə və bayram
abu-havası ilə öz qonaqlarına yaddaqalan saatlar yaşadacaq!
Bayram ərəfəsində DJ performansı, şəkərbura, gül çələngləri,
yumurta bəzəmə üzrə masterklaslar, milli geyimlərdə animatorlar,
rollerlər, canlı musiqi performansı və fərqli, qazandıran
müsabiqələrlə Gənclik Mall öz qonaqlarını əyləndirəcək.
28 Mall ilə canlı musiqi və DJ performansı, alov şou,
animatorlar, Novruz falları, əyləncəli masterklasslar, uşaqların
gününə daha da rəng qatacaq Face Art və hədiyyəli viktorinalarla
bayramı qeyd edə, həm də Dəniz Mall-da milli geyimlərlə dalğıcların
maraqlı şousunu izləyə biləcəksiniz. Bu hələ son deyil! Dəniz
Mall-a gələrək siz həm də öz karikaturalarınızı çəkdirmək,
masterklasslarla öyrənmək, canlı musiqi və DJ performansları ilə
xoş anlar yaşama fürsəti əldə edəcəksiniz.
Şəhər mərkəzindən uzaqda olan sakinlər üçün Şüvəlan Park kiçik
şənliklərlə Novruz abu-havası yaradacaq, Gəncə və ətraf bölgələrin
sakiləri isə əsl Novruz əyləncəsi üçün “Gəncə Mall”-a dəvətlidir.
Burada qonaqları bir-birindən maraqlı rəqs, musiqi və masterklaslar
gözləyir.
Ölkənin yeganə lüks ticarət mərkəzi olan Port Baku Mall isə
bayram ilə əlaqədar xüsusi hazırlıq görür. Yerli və xarici
brendlərə məxsus məhsullar əsl Novruz və bahar konseptində bəzənmiş
yarmarkada ziyarətçilərə təqdim olunacaq. Milli musiqi və Jazz
kompozisiyasından zövq almaq, əsl Novruz ahəngini hiss etmək üçün
Port Baku Mall yolunuzu gözləyəcək.
Novruz şənlikləri 20-24 mart tarixlərində, saat 15:00 – 18:00
arasında baş tutacaq. Port Baku Mall-da təşkil olunacaq yarmarkanı
isə 5 gün ərzində 10:00-dan 22:00-a qədər ziyarət etmək imkanınız
olacaq.
Ailəniz və yaxınlarınızla birlikdə möhtəşəm bayram günləri
keçirməyinizi arzulayır və hər birinizin Novruz Bayramını təbrik
edirik!