Rusiyanın xəbər agentliyi “RİA Novosti”yə Azərbaycanda giriş yenə bərpa olunub.
AzerTimes xəbər verir ki, sözügedən agentliyə giriş qadağası ilk dəfə Rusiya XİN rəhbəri Sergey Lavrovun Bakıya son səfəri zamanı götürülmüşdü. Lakin bir neçə gündən sonra RİA yenə bloklanmışdı.
Hazırda “RİA Novosti”yə giriş məhdudiyyəti yoxdur. Lakin agentliyə tətbiq olunan məhdudiyyətin tam ləğv edilib-edilmədiyi ilə bağlı rəsmi məlumat yayılmayıb.
Qeyd edək ki, “RİA Novosti” agentliyi Azərbaycanın ərazi bütövlüyünə qarşı, böhtan xarakterli və separatçı meyilləri təşviq edən məlumatların yayılması səbəbindən ötən il bloklanıb.