Azərbaycanın qeyri-neft sektoruna yatırım edən ölkələr sırasında Türkiyə birinci yerdə durur.
AzerTimes xəbər verir ki, bunu Azərbaycan Beynəlxalq Maarif Məktəblərinin rəsmi açılışı zamanı iqtisadiyyat nazirinin birinci müavini Elnur Əliyev deyib. Onun sözlərinə görə, Azərbaycanda müxtəlif sahələrdə fəaliyyət göstərən 5 minə yaxın türk şirkəti mövcuddur:
“Sevindirici haldır ki, Türkiyə şirkətləri Azərbaycanın işğaldan azad olunan ərazilərinin bərpasında iştirak üçün xüsusi maraq göstərirlər. Onlar bu ərazilərdəki infrastruktur layihələrinin həyata keçirilməsində yaxından iştirak edirlər”
