Azərbaycan Respublikasının müdafiə naziri general-polkovnik
Zakir Həsənov Pakistan İslam Respublikasının Birləşmiş Qərargah
Rəisləri Komitəsinin sədri general Nadim Razanın dəvəti ilə martın
21-də bu ölkəyə rəsmi səfərə gedib.
Müdafiə Nazirliyindən AzerTimes-a
verilən məlumata görə, müdafiə naziri general-polkovnik Z.Həsənovun
ölkənin bir sıra dövlət və hərbi rəsmiləri ilə görüşü, eləcə də
Pakistanın “Milli Günü”nə həsr edilən hərbi paradda fəxri qonaq
qismində iştirakı nəzərdə tutulub.