İranın qadın basketbolçularına Azərbaycanın viza vermədiyi haqda yayılan məlumat yalandır.
Bu sözləri AzerTimes-a açıqlamasında Azərbaycan Basketbol Federasiyasının mətbuat katibi Sənan Əliyev deyib.
“3×3 basketbol üzrə Dünya Qadın Seriyasının Quba mərhələsində iştirak etmək istəyən komandalara viza üçün müəyyən bir vaxt tanınıb. İran komandası isə həmin müddət ərzində vizaya müraciət etmədiyi, gecikdiyi üçün onu əldə edə bilməyib”, – o bildirib.
Qeyd edək ki, İran mediası Azərbaycanın İranın qadınlardan ibarət milli basketbol komandasının üzvlərinə sözügedən yarışda iştirak üçün viza verməkdən imtina etdiyi haqda məlumat yayıb.