2021-ci ildə Azərbaycan Bayrağını təhqir edən 3 erməni futbolçuya humanizm prinsiplərindən yanaşılacağı haqda məlumat yayılıb.
AzerTimes xəbər verir ki, Teleqram kanalları onların səmimi etirafları və peşmanlıqları olacağı təqdirdə Azərbaycan dövlətinin onların gəncliyini, təsir altında olmalarını nəzaərə alaraq, inzibati məsuliyyətə cəlb ediləcəkləri haqda məlumat yayıb.
İddialara görə, onlar 10 sutka inzibati həbs ala bilərlər.
Qeyd edək ki, “Martuni Avo” komandasının üzvləri 2021-ci ildə Azərbaycan bayrağını təhqir etmişdilər. Bununla bağlı Baş Prokurorluq tərəfindən CM-nin 283.2.3 (Milli, irqi, sosial və ya dini nifrət və düşmənçiliyin salınması mütəşəkkil dəstə tərəfindən törədildikdə) və 324-cü (Azərbaycan Respublikasının Dövlət bayrağı və ya Azərbaycan Dövlət gerbi barədə təhqiredici hərəkətlər) maddələri ilə cinayət işi açılmışdı.
Komanda üzvlərindən 3 nəfər bu gün “Laçın” postunda saxlanılıb.