AZAL-ın Bakıdan Naxçıvana uçan təyyarələri bu gün Ermənistan səmasından istifadə etməyiblər.
AzerTimes xəbər verir ki, bu barədə erməni mediası rəsmilərə istinadla məlumat yayıb.
Bildirilib ki, 12 sentyabrdan fərqli olaraq, 13 sentyabrda Bakıdan Naxçıvana uçan mülki təyyarələr İran hava məkanından istifadə ediblər.
Həmçinin Türk Hava Yolları da bu gün Ermənistan hava məkanından imtina edib. Belə ki, THY-nın Naxçıvan-Gəncə-İstanbul reysi İran və Gürcüstan hava məkanlarından istifadə etməklə baş tutub.