Türkiyənin Afyonkarahisar şəhərində mikroavtobus sərnişinlərin üstündən iki dəfə keçib.
AzerTimes xəbər verir ki, bu barədə görüntülər Türkiyə mediasında yayılıb.
Belə ki, mikroavtobusdan düşən 2 sərnişin nəqliyyat vasitəsinin arxasına keçmək istəyərkən sürücü arxaya manevr edib. Mikroavtobusun dəyməsi nəticəsində yerə yıxılan 2 sərnişin nəqliyyat vasitəsinin altında qalıb. Sürücü yenidən irəli manevr edib və yenidən sərnişinlərin üstündən keçib.
Hər iki sərnişin ağır xəsarət alıb. Yaralılar xəstəxanaya yerləşdirilib.
Sürücü saxlanılıb, hadisə ilə bağlı araşdırma aparılır.