Güney Azərbaycanın Astara şəhərində yaşayan ictimai fəal və şair Cəmşid Əzizi Nənəkəran həbs edilərək Rəşt şəhərinin Lakan həbsxanasına köçürülüb.
AzerTimes xəbər verir ki, bu barədə insan haqları fəalları məlumat yayıb.
Şairin mayın 7-də həbs edildiyi bildirilib.
Təhlükəsizlik məmurları Cəmşid Əzizi Nənəkəranı 16 aprel 2022-ci ildə həbs edib, 40 gün dindirdikdən sonra 1 milyard tümən girov qarşılığında müvəqqəti olaraq sərbəst buraxmışdılar.
O, sonradan “hökumətə qarşı təbliğat” və “ölkənin milli təhlükəsizliyinə zərbə vurmaq üçün əlbir olmaq” ittihamlarına görə 4 il yarım həbs cəzasına məhkum edilib.