Azərbaycan Respublikasının vətəndaşı Azər Ağayev İrana aparılan 4 övladının taleyindən xəbər tuta bilmədiyini bildirir.
AzerTimes xəbər verir ki, o, bir müddətdir İranda yaşayan 4 övladının geri qaytarılması üçün Xarici İşlər Nazirliyindən kömək istəyir.
Azər Ağayev deyib ki, həyat yoldaşı internetdə tanış olduğu kişi ilə əlbir olaraq övladlarını saxta sənədlərlə İrana aparıb. O, övladlarını geri qaytarmaq məqsədilə ötən ilin noyabr ayından İranda olduğunu, ancaq buna nail ola bilmədiyini söyləyib.
“Mənə verilən məlumata görə, həyat yoldaşım Xalidə Mehbalıyeva İranda müəyyən qüvvələrlə əməkdaşlığa cəlb edilib. Onun Qasım Süleymani ilə birgə fotoşəkli də var. Məhz elə bu kimi səbəblərdən də İran polisi məhkəmə şikayətimə baxmır, qaldığım otellərdən qovuluram. Övladlarımı mənə qarşı çeviriblər”.