Almaniyanın “Simens” şirkəti Türkiyədə “Rosatom” şirkəti tərəfindən inşa edilən Akkuyu AES üçün mühüm avadanlığı göndərməkdən imtina edib.
AzerTimes xəbər verir ki, bu barədə “Blumberq” məlumat yayıb.
“Simens” AES-in istehsal edəcəyi elektrik enerjisini şəbəkəyə ötürmək üçün qazla izolyasiya edilmiş yarımstansiya təmin etməli idi. İndi aylarla gecikmələr səbəbindən həmin avandıqları Çində axtarmalı olublar”, – məlumatda qeyd olunub.
“Blumberq” hətta məsələ ilə bağlı Türkiyə Prezidenti Rəcəb Tayyib Ərdoğanın Almaniya kansleri Olaf Şoltsa müraciət etdiyini, lakin problemin həll edilmədiyini bildirib.
“Simens”in nümayəndəsi deyib ki, şirkət ixraca nəzarət qanununa riayət edir.