İsveçrə Ukraynaya təkrar ixrac oluna bilməyən 25 “Leopard 2A4” tankından 9-nu Almaniyaya təhvil verib.
AzerTimes xəbər verir ki, bu barədə İsveçrənin Müdafiə, Mülki Müdafiə və İdman Nazirliyi məlumat yayıb.
Bildirilib ki, ilk çatdırılma dəmir yolu ilə təşkil edilib. Qalan 16 tank yanvarın 31-dək Almaniyaya təhvil veriləcək.
Qeyd edək ki, 2023-cü ilin noyabrında İsveçrə Federal Şurası tankları istehsal edən “Rheinmetall Landsysteme GmbH” şirkəti tərəfindən Almaniyaya 25 ədəd “Leopard 2 A4” tankının ixracı üçün müraciəti təsdiqləyib.
Berlin İsveçrəni əmin edib ki, tanklar Almaniya, NATO və ya AB-də qalacaq.