Almaniya 2023-cü ilin birinci yarısında ən çox miqrantı Gürcüstan, Şimali Makedoniya, Albaniya, Moldova və Serbiyaya deportasiya edib.
AzerTimes xəbər verir ki, bu barədə Almaniya Daxili İşlər Nazirliyi məlumat yayıb.
Məlumata görə, yanvar-iyun aylarında 7681 nəfər ölkədən çıxarılıb ki, bu da ötən ilin müvafiq dövrü ilə müqayisədə 27% çoxdur. Deportasiya edilənlər arasında 1664 qadın və 1375 uşaq var.
Həmçinin 705 Gürcüstan və 665 Şimali Makedoniya vətəndaşı Almaniyadan çıxarılıb. Ölkəni könüllü tərk edən miqrantların sayı da artıb, 4892 nəfər öz ölkəsinə qayıtmaq üçün federal, 2309 nəfər isə dövlət və ya yerli maliyyə yardımı alıb.