Biz aylardır desək də, Albin Kurtinin (Kosova Baş naziri – red.) yalnız bir istəyi var – Kosova və Metoxiyada münaqişə yaratmaq, bütün regionu qana boyamaq. Az adam həqiqəti eşitmək, çox az adam isə hər şeyin mahiyyətinin nə olduğunu anlamaq istəyirdi.
AzerTimes xəbər verir ki, bunu Serbiya Prezidenti Aleksandr Vuçiç Kosovadakı vəziyyətdən danışarkən deyib.
“Kosova və Metoxiyada olanlar oldu. Və son üç gündə həm korlar, həm də siyasi savadsızlar nəyin hazırlandığını anlaya bildilər”, – Vuçiç bildirib.
Qeyd edək ki, ötən gün Kosovanın şimalında etiraz edən serblərlə təhlükəsizlik qüvvələri arasında toqquşmalar baş verib. Nəticədə xeyli sayda həm mülki, həm də NATO hərbçisi yaralanıb.