Moskva məhkəməsi vəkil Denis Şapironu külli miqdarda dələduzluqda ittiham edərək həbs edib.
AzerTimes xəbər verir ki, bu barədə məlumatı Moskva məhkəməsinin mətbuat xidməti yayıb.
Bildirək ki, Şapiro “Əhməd” xüsusi təyinatlılarının komandiri Aptı Alaudinovun vəkili kimi tanınır. Vəkilin həbs olunmasına münasibət bildirən Alaudinov qeyd edib ki, Şapironun təqsiri hələ sübut olunmayıb:
“Mən Denis Şapironun saxlanılmasına tamamilə sakit yanaşıram, günahı varsa, müvafiq orqanlar bununla məşğul olacaqlar. Lakin qanunla müəyyən edilmiş qaydada təqsiri hələ sübut olunmayıb. Denis Şapiro ilə dostam, bundan heç utanmıram! O, bizim dəstəyə hər zaman kömək edib və buna görə ona təşəkkür edirəm!”