Xəbər verdiyimiz kimi, müğənni, Vətən müharibəsi qazisi Taleh Məmmədov ağır qəzaya düşüb.
AzerTimes Bakupost.az-a istinadla xəbər verir ki, onun çənə və üzündə bir çox sümüklər qırılıb.
Talehin ən böyük zərbə aldığı həyati təhlükə daşıyan nahiyəsi isə kəllə hissəsidir. Gənc ifaçının kəllə nahiyəsində də bir çox sümüyün qırıldığı bildirilir.
Qeyd edək ki, hadisə Sədərək Ticarət Mərkəzinin yaxınlığında baş verib. İfaçı dostunun idarə etdiyi avtomobildə olub. Maşın TIR-la toqquşub. T. Məmmədov dərhal 1 saylı şəhər xəstəxanasına (“Semaşko”) yerləşdirilib. Onun vəziyyəti ağır olaraq qalır.
Xəstəxanada Talehin ilk görüntüsü və onun dəhşətli vəziyyətini çarəsizcə izləyən atanın ürəkdağlayan kadrlarını təqdim edirik