Krasnodarın Abşeronsk şəhərində iki erməni ailəsi arasında uzun sürən qarşıdurma şəhərin tam mərkəzində qətllə nəticələnib. Erməni əsilli 54 yaşlı Kamo Yeqoyan kafeyə girərək hamının gözü qarşısında nahara gələn qonağı güllələyib.
AzerTimes xəbər verir ki, bu barədə NTV məlumat yayıb.
Bildirilib ki, Yeqoyan gündüz vaxtı, ətrafdakı insanların, xüsusilə uşaqların gözü qarşısında bu qətli törədib.
Restoranın ofisiantı Yeqoyana stul atıb, bundan sonra müştərilərdən biri onu saxlaya bilib.
Hazırda müstəntiqlər qətlin motivini araşdırır. Artıq öldürülən 28 yaşlı Sergey Akopcanyanın Kamo Yeqoyanın oğlundan müəyyən borcun qaytarılmasını aqressiv şəkildə tələb etdiyi barədə ilk versiyalar ortaya çıxıb.