Göyərtəsində ABŞ-ın vitse-prezidenti Maykl Pensin olduğu təyyarə quşla toqquşmadan sonra Nyu-Hempşir ştatının hava limanına qayıdıb.
Bu barədə “CNN” telekanalı Pensin köməkçilərinə istinadən xəbər verib.
Telekanalın məlumatına görə, insident uçuşdan dərhal sonra baş verib. Hava gəmisi bundan az sonra “ehtiyat tədbiri kimi” yerə enib. Pensin və onun köməkçilərinin Vaşinqtona başqa bir təyyarə ilə dönməsi gözlənilir.
Hadisə nəticəsində xəsarət alanlar barədə məlumat verilməyib. Pens Nyu-Hempşirdə seçkiqabağı tədbirlərdə iştirak edib.