Noyabrın 21-də Rusiya bildirib ki, Polşanın şimalında ABŞ-ın yeni raketdən müdafiə bazası döyüş hazırlığı səviyyəsini artırıb və bu, nüvə təhlükəsinin ümumi səviyyəsinin artmasına səbəb olacaq. Varşava da Moskvadan gələn daimi təhdidlərin yalnız NATO-nun müdafiə qabiliyyətinin artırılması iddiasını gücləndirdiyini bildirib.
AzerTimes xəbər verir ki, bu barədə “Amerikanın Səsi” məlumat yayıb.
Rusiya Xarici İşlər Nazirliyinin rəsmisi Mariya Zaxarova isə bildirib ki, bu, amerikalıların və onların NATO-dakı müttəfiqlərinin strateji sahədə dərin sabitliyi pozan bir sıra hərəkətlərində növbəti açıq təxribatçı addımdır.
Qeyd edək ki, Polşanın Redzikovo şəhərində, Baltik dənizi sahillərində yerləşən sözügedən baza noyabrın 13-də açılıb.
Polşa Xarici İşlər Nazirliyinin rəsmisi Pavel Voronski bazada nüvə raketlərinin olmadığını, onun tamamilə müdafiə xarakteri daşıdığını bildirib.