Fələstin-İsrail münaqişəsinin regiondan kənara çıxması ABŞ-ın istəyi ola bilər.
AzerTimes xəbər verir ki, bunu Rusiyanın xarici işlər naziri Sergey Lavrov deyib.
“Mənə elə gəlir ki, bu cür ssenarilər hazırlayan insanlar əslində daha böyük böhrana səbəb olmaq istəyirlər. Bəlkə də amerikalıların istədiyi budur. Mən nə İranın, nə də başqa bir ölkənin regionda genişmiqyaslı müharibəyə həvəs göstərdiyini görürəm. Əgər bu təmkin zəiflik, Qəzzada istədiyini etmək üçün yaşıl işıq kimi qəbul edilərsə, bu, böyük səhv olar”, – o bildirib.
Lavrov qeyd edib ki, Rusiyadan gələn hər şey düşmənçilik aktı, düşmən təşəbbüsü kimi qəbul edilir:
“Amma mahiyyətcə, praktiki baxımdan Vaşinqton İsrailin əl-qolunu bağlamaq istəmir. Tarixi baxımdan Fələstin dövlətinin yaradılması qaçılmazdır. Qəzza zolağının gələcəyi ilə bağlı müzakirələrin əksəriyyəti indi İsraillə qonşu olan Fələstin dövlətinin yaradılmasına diqqət yetirmir”.