ABŞ-ın göndərdiyi “USS Duayt Eyzenhauer” təyyarədaşıyan gəmisinin başçılıq etdiyi zərbə qrupu Yaxın Şərqə çatıb.
AzerTimes xəbər verir ki, bu barədə Pentaqonun Mərkəzi Komandanlığı məlumat verib.
“Gəminin başçılıq etdiyi zərbə qrupu regionda təmsilçiliyini gücləndirmək məqsədilə Yaxın Şərqə gəlib”, – məlumatda vurğulanıb.
Qeyd edək ki, qrupa təyyarədaşıyan gəmi, idarə olunan raket kreyseri və esmineslər daxildir. Onun həmçinin doqquz aviasiya eskadronu var.
Bundan əvvəl Amerikanın “Gerald Ford” təyyarədaşıyan gəmisi Aralıq dənizinin şərqinə yerləşmişdi.