ABŞ Hərbi Dəniz Donanmasına məxsus EA-18G “Qrouler” qırıcısı Uidbi-Aylənd bazasında təlim uçuşu zamanı qəzaya uğrayıb.
AzerTimes xəbər verir ki, bu barədə “Sietl Tayms” məlumat yayıb.
Məlumata görə, Hərbi Dəniz Donanmasına məxsus helikopter qırıcının qəzaya düşdüyü əraziyə yollanıb.
Pilotların vəziyyəti ilə bağlı məlumat verilməyib.
Qeyd edək ki, EA-18G “Qrouler” radioelektron mübarizə əleyhinə qırıcısı F/A-18 “Super Hornet” qırıcısının modifikasiyası əsasında yaradılıb.
Qırıcının qiyməti 67 milyon dollardır.