Kılıçdaroğluna prezident seçkisinin ikinci turunda Ərdoğanı məğlub etməyə kömək etməyə çalışan ABŞ və AB türk lirəsini və Türkiyə birjasını vurdu. Bir növ onları çökdürdü. Onların taktikası budur.
AzerTimes xəbər verir ki, bunu rusiyalı politoloq Sergey Markov 28 mayda Türkiyədə keçiriləcək prezident seçkilərinin ikinci turu ilə bağlı prosesləri şərh edərkən deyib.
“Kılıçdaroğlu indi fəal şəkildə Rusiyanı Türkiyə seçkisinə Ərdoğandan yana müdaxilə etməkdə ittiham edir. Amma Rusiya belə bir müdaxilə etmir. ABŞ və AB isə Kılıçdaroğlunun tərəfində seçkilərə aktiv şəkildə müdaxilə edir”, – o bildirib.
Qeyd edək ki, 28 mayda keçiriləcək ikinci turda Cümhur İttifaqının namizədi, Türkiyə lideri Rəcəb Tayyib Ərdoğan və “Altılı masa”nın namizədi Kamal Kılıçdaroğlu mübarizə aparacaq.