Ukraynanın NATO-ya qəbul prosedurunun indi tətbiq edilməsinin zamanı deyil.
AzerTimes xəbər verir ki, bu sözləri Ağ Ev rəhbərinin milli təhlükəsizlik üzrə müşaviri Ceyk Sallivan deyib.
“İndi Ukraynanı dəstəkləməyin ən yaxşı yolu praktiki yardımdır. Brüsseldəki prosedur isə başqa vaxt tətbiq edilməlidir. Üzvlüklə bağlı bütün qərarlar 30 üzv ilə namizəd ölkə arasında həll edilməlidir”, – deyə Sallivan bildirib.
Qeyd edək ki, Ukrayna lideri Vladimir Zelenski ölkəsinin NATO-ya üzvlüklə bağlı sürətləndirilmiş prosedur hazırladığını söyləyib.