ABŞ hərbi müxbir Vladlen Tatarskinin Sankt-Peterburqda ölməsi ilə bağlı xəbərdən məlumatlıdır. Baş verənlər və cinayətə görə kimin məsuliyyət daşıdığı barədə daha ətraflı məlumata malik deyil.
AzerTimes xəbər verir ki, bu barədə Ağ Evin strateji kommunikasiyalar üzrə koordinatoru Con Kirbi bildirib.
O, jurnalistlərə Tatarskinin ölümü ilə bağlı sualı cavablandırarkən deyib:
“Biz də sizin kimi xəbərləri gördük, amma baş verənlərlə bağlı daha ətraflı məlumatımız yoxdur”.
Qeyd edək ki, Tatarski ötən gün Sankt-Peterburqdakı “Strit-bar” kafesində baş verən partlayışda ölüb. Kafenin “Vaqner”in sahibi Priqojinə məxsus olduğu bildirilir.
Bu gün hərbi müxbir Vladlen Tatarskinin ölümünü şərh edən Priqojin hadisənin arxasında Ukrayna hakimiyyətinin dayanmadığını bildirmişdi.