ABŞ-da hökm sürən anomal istilər həftə sonuna qədər 270 milyon insanı əhatə edəcək.
AzerTimes xəbər verir ki, çərşənbə axşamından cümə gününə kimi ABŞ-ın Mərkəzi Qərb və Şimali-Şərq bölgələrində istiliyin ən yüksək həddə çatacağı proqnoz edilir.
ABŞ Milli Meteoroloji Xidmətinin yaydığı məlumata əsasən, bu, son onilliklərdə ən uzun davam edəcək anomal istilər olacaq. Bildirilib ki, 32 dərəcə və daha yüksək rekord istilər ABŞ-ın 200-ə yaxın şəhərini əhatə edəcək.
Sinoptiklər bu cür havanın adətən iyulun ortalarında qeydə alındığını açıqlayıblar.
Mütəxəssislər anomal istilərin daha da şiddətlənəcəyi xəbərdarlığını ediblər.