ABŞ-ın Pensilvaniya ştatının Uest-Redinq şəhərində yerləşən “R.M. Palmer Company” şokolad fabrikində partlayış olub.
AzerTimes xəbər verir ki, bu barədə “Assoşeyted Press” məlumat yayıb.
Partlayışda azı 2 nəfər ölüb, 9 nəfər itkin düşüb, 8 nəfər isə xəstəxanaya yerləşdirilib.
Zavoddakı işçilərin dəqiq sayı barədə hələ də məlumat verilməyib.
Partlayış nəticəsində fabrikin binası uçub, qonşu binaya da ziyan dəyib.
Hadisənin başvermə səbəbi müəyyən olunmayıb.