ABŞ Müdafiə Nazirliyi 8500 hərbçinin yüksək hazırlıq vəziyyətinə gətirilib.
AzerTimes-ın məlumatına görə, bu barədə Pentaqonun nümayəndəsi Con Kirbi brifinq zamanı bildirib.
Məlumata əsasən, bu cur addım hərbçilərin Avropaya köçürülməsi zərurətinin yaranma ehtimalını nəzərə alaraq atılıb.
Kirbi izah edib ki, ümumilikdə söhbət “təxminən 8,5 min hərbçidən” gedir.
Pentaqonun nümayəndəsi vurğulayıb ki, bu qüvvələrin Avropaya köçürülməsi ilə bağlı qərar verilməyib. Hərbi komandanlıq yalnız hazırlığı artırmaq qərarına gəlib ki, hərbçilər lazım gələrsə, sürətlə Avropaya yollansın.