ABŞ Dövlət Departamenti Tayvana ümumi dəyəri 1 milyard 106 milyon dollar olan silah satış paketinə icazə verib.
AzerTimes xəbər verir ki, bu barədə Türkiyə mediası məlumat yayıb.
Bildirilir ki, Tayvana 3 müxtəlif silah paketi təqdim olunacaq.
Konqresə göndərilən bildirişdə vurğulanıb ki, Tayvanın Müşahidə Radar Proqramı üçün 665,4 milyon dollar dəyərində logistik dəstək satışı təsdiqlənib.
Bundan başqa, 60 ədəd “Harpun” gəmi əleyhinə raketlər və lazımı avadanlıqlar üçün 355 milyon dollarlıq satış paketi ilə birgə, F-16-larda istifadə olunan 100 ədəd “AIM-9X Blok-II Sidewinder” raket üçün də 85,6 milyon dollarlıq satış paketi təsdiq olunub.