Rusiyaya sanksiyalar və iqtisadi əlaqələrin kəsilməsi artıq AB-yə təxminən 1,5 trilyon dollara başa gəlib, qarşılıqlı ticarətin həcmi də sıfra yaxınlaşır.
AzerTimes xəbər verir ki, bunu Rusiya xarici işlər nazirinin müavini Aleksandr Qruşko deyib.
“2013-cü ildə AB ilə Rusiya arasında ticarətin həcmi 417 milyard dollar təşkil edirdi, bu il sanksiyalar olmasaydı, bu, 700 milyard dollar ola bilərdi. Amma 2022-ci ildə bu rəqəm 200 milyard dollar, 2023-cü ilin birinci yarısında 47 milyard dollar oldu, ilin sonuna isə 100 milyard dollardan az olacaq. Gələn il bu rəqəm 50 milyarda düşəcək, sonra isə sıfra meyil edəcək”, – o bildirib.