“Qarabağ”ın heyətinə yeni futbolçu qoşulub.
AzerTimes Futbolinfo.az-a istinadən xəbər verir ki, bu, 2022-ci ilin yayından azad agent olan Adama Diakabidir. O, hazırda Ağdam klubunun Antalyadakı təlim-məşq toplanışındadır. Fransalı vingerlə tibbi müayinədən keçdikdən sonra, yaxın 2-3 gün ərzində müqavilə imzalanacaq. Transferin yaxın günlərdə rəsmən açıqlanacağı gözlənilir.
“Kann”ın yetirməsi olan 26 yaşlı oyunçu peşəkar futbola “Renn”də başlayıb. O, 2017-ci ildə “Monako”ya 10 milyon avroya satılıb. Belə ki, “Monako” Kilian Mbappeni PSJ-yə satdıqdan sonar Diakabini onun əvəzedicisi kimi transfer edib. Bir il sonra “Haddersfild”ə, 2020-ci ildə “Nottingem Forest”ə transfer olunub. 2022-ci ildə isə “Amyen”ə icarəyə verilib. O, 2022-ci iyulundan klubsuz idi.