NATO qoşunlarının tərkib hissəsi kimi ittifaq üzrə müttəfiq dövlətlər ərazisindəki amerikalı hərbçilərin sayı 80 mindir.
AzerTimes xəbər verir ki, ABŞ Prezidenti Co Bayden Konqresin Senat və Nümayəndələr Palatasının rəhbərlərinə göndərdiyi yazılı bildirişdə bunu açıqlayıb.
“80 minə yaxın ABŞ hərbi qulluqçusu müttəfiqlərimizi ruhlandırmaq və Rusiyanın gələcək təcavüzünün qarşısını almaq üçün Avropadakı NATO ölkələrinə göndərilib və ya yerləşdirilib”, – deyə Ağ Ev rəhbəri bildirib.