Küveyt hökuməti İsveç dilində 100 min Quran-Kərimin çapdan çıxarılması barədə qərar qəbul edib.
AzerTimes Küveytin rəsmi agentliyi KUNA-ya istinadən xəbər verir ki, ölkənin Nazirlər Kabineti islamın tolerant din olduğunu çatdırmaq məqsədilə həmin 100 min Quran kitabının İsveçdə paylanmasına qərar verib.
Bildirilib ki, müqəddəs kitablar İsveç dilində qısaldılmış formada, əsas məzmunun saxlanılması ilə çapdan çıxarılacaq.
Qeyd edək ki, 28 iyunda İraq əsilli Salvan Momikanın Stokholm məscidi önündə polisin müşayiəti ilə Quran-Kərimi yandırması beynəlxalq ictimaiyyətin kəskin reaksiyasına səbəb olmuşdu.