Xəbər - Orxan Nəbiyev – Trend:
Tokio-2020 Yay Olimpiya oyunlarında Türkiyəni təmsil edən azərbaycanlı yüngül atlet Ramil Quliyev 200 metr məsafəyə qaçışda yarımfinala yüksəlib.
AzerTimes-ın məlumatına görə, R.Quliyev ilkin mərhələdə 20,54 saniyə nəticə ilə ikinci olub.
Yarımfinal bu gün Bakı vaxtı ilə saat 15:50-də baş tutacaq.
Qeyd edək ki, R.Quliyev Türkiyə millisinin tərkibində 2017-ci ildə dünya çempionu, 2018-ci ildə Avropa çempionu adını qazanıb. O, həmçinin 2017-ci ildə Bakıda keçirilmiş İslam Həmrəyliyi oyunlarında həm 100 metr, həm də 200 metr qaçışda qızıl medallar qazanıb.