Xəbər - Orxan Nəbiyev – Trend:
ABŞ-ın bir qrp virusologiya mütəxəssisi yaxın aylar ərzində koronavirusun 22 yeni ştammının yaranacağını proqnozlaşdırıb.
AzerTimes-ın məlumatına görə, ABŞ-ın “Vir Biotechnology” şirkətinin və Genomika İnstitutunun alimləri SARS-CoV-2 koronavirusunun spayk zülalında dəyişiklikləri əvvəldən proqnozlaşdıran riyazi model hazırlayıb.
Aparılan hesablamalara əsasən, növbəti 4 ay ərzində koronavirusun 22 yeni ştammı yarana bilər, onlardan bəziləri anticisimlərin qorunma bacarığını azaldacaq.
Qeyd edək ki, Ümümdünya Səhiyyə Təşkilatı (ÜST) SARS-CoV-2 koronavirusunun 4 ştammını (alfa, beta, qamma və delta variantları) “xüsusi narahatlıq doğuran” variantlar sırasına daxil edib.