Xəbər - Ləman Zeynalova – Trend:
Yaponiyanın INPEX şirkətinin 2020-ci ildə “Azəri-Çıraq-Günəşli” yataqlar blokundan hasilatının həcmi 477 min barel/sutka təşkil edib.
Trend bu barədə şirkətə istinadən məlumat verir.
Qeyd edək ki, bir müddət əvvəl BP “Azəri-Çıraq-Günəşli” yataqlar blokundan bu günədək 3,8 milyard barel neft hasil olunduğunu açıqlamışdı.
2020-ci ildə AÇG-dən ümumi hasilat – Çıraq (34 900), Mərkəzi Azəri (113 200), Qərbi Azəri (118 900), Şərqi Azəri (64 200), Dərinsulu Günəşli (95 400) və Qərbi Çıraq (50 400) platformalarından birlikdə – gündə orta hesabla 477 000 barel və ya ümumilikdə təxminən 175 milyon barel, yəni 23,6 milyon ton olub.