Koronavirusa yoluxmuş ABŞ Prezidenti Donald Tramp hərbi hospitala yerləşdirilib.
Ağ Evin məbuat katibi Keyli Makinani bu barədə bildirib.
“Ehtiyat tədbiri kimi və onun həkimi və tibb mütəxəssislərinin məsləhəti ilə növbəti bir neçə gün ərzində Prezident Uolter Rid adına Hərbi Hospitaldakı Prezident ofisindən çalışacaq”, – Makinaninin yazılı açıqlamasında deyilir.
Mətbuat katibi qeyd edib ki, Prezident “xoş əhval-ruhiyyədədir, onun yüngül simptomları var, bütün gün ərzində işləyib”.
Daha əvvəl Tramp özünə və həyat yoldaşı Melanyaya koronavirus diaqnozu qoyulduğunu açıqlamışdı.