Üzdəniraq ermənilər Bərdəni atəşə tutdu, yeniyetmə həlak oldu

Üzdəniraq ermənilər Bərdəni atəşə tutdu, yeniyetmə həlak oldu

Ermənistanın terrorpərəst silahlı qüvvələri elan edilmiş humanitar atəşkəs rejiminin tələblərini kobud şəkildə pozmaqla dinc mülki əhalimizə qarşı cinayət əməllərini davam etdirir.

Azərbaycan Baş Prokurorluğu bu barədə məlumat yayıb.

Bildirilir ki, bu gün (7 noyabr) Ermənistan silahlı birləşmələri tərəfindən Bərdə rayonu müxtəlif istiqamətlərdən intensiv raket və ağır artilleriyadan atəşə tutulub. Saat 16 radələrində Bərdə rayonu, Yeni Əyricə kəndində fərdi yaşayış evinə mərmi düşməsi nəticəsində 2004-cü il təvəllüdlü Rəhimov Şahmalı Ətraf oğlu həlak olub, yaşayış evinə isə ciddi ziyan dəyib.

Hazırda prokurorluq əməkdaşları tərəfindən mövcud şəraitdə mümkün olan bütün istintaq tədbirləri həyata keçirilir.