Xəbər - Orxan Nəbiyev – Trend:
Ümumdünya Səhiyyə Təşkilatı (ÜST) COVID-19-a yoluxub sağalmış şəxslərə peyvənd olunmağı tövsiyə edir.
AzerTimes-ın məlumatına görə, bunu ÜST-ün baş elmi işçisi Sumya Svaminatan deyib.
Onun sözlərinə görə, virusa yoluxmuş şəxslərin böyük əksəriyyətində immun reaksiyası yaranır, amma bəzi şəxslərdə bu reaksiya zəif inkişaf edir:
“Söhbət xüsusilə, xəstəliyi simptomsuz keçirmiş şəxslərdən gedir. Bəzi hallarda xəstəlik zəif keçir və şəxs COVİD-19-a yoluxduğunu bilmir. Ona görə də ÜST yoluxub sağalmış şəxslərə də peyvənd olunmağı tövsiyə edir”